ڈی آئی خان‘ قلات (نوائے وقت رپورٹ) ڈیرہ اسماعیل خان میں فائرنگ سے پولیس اہلکار شہید ہو گیا۔ پولیس کے مطابق سی پیک پارک ٹول پلازہ کے قریب نامعلوم مسلح افراد نے پولیس کیمپ پر فائرنگ کر دی۔ فائرنگ سے پولیس اہلکار شہید ہو گیا۔ پولیس کی جوابی فائرنگ سے ملزمان فرار ہو گئے۔ سرچ آپریشن جاری ہے۔ قلات کے علاقے منگو چر میں تعیمراتی کیمپ پر دستی بم سے حملہ اور فائرنگ کی گئی۔ لیویز حکام کے مطابق دستی بم پھٹنے اور فائرنگ سے چار مزدور زخمی ہو گئے۔