لاہور(سپورٹس رپورٹر)پاکستان کے خلاف ٹی 20 سیریز کیلئے آسٹریلیا نے سکواڈ کا اعلان کردیا۔ آسٹریلیا ٹیسٹ سکواڈ کے کچھ اراکین ٹی 20 ٹیم میں شامل نہیں ہیں۔ کرکٹ آسٹریلیا کے مطابق ٹیسٹ سکواڈ کے اراکین بھارت کیخلاف ٹیسٹ سیریز کی تیاری کی وجہ سے ٹی 20 سیریز میں شامل نہیں ہونگے۔ پاکستان کیخلاف ٹی 20 سیریز میں گلین میکسویل، مارکوس اسٹوئنس ایڈم زمپا اور میتھیو شارٹ سکواڈ کا حصہ ہیں۔ شین ایبٹ، زوئیر بارلیٹ، کوپر کنولی، ٹم ڈیوڈ اور نیتھن ایلس بھی ٹیم میں شامل ہیں۔ جیک فریزر مکگرک، ایرون ہارڈی، جوش انگلس اور سپینسر جانسن بھی سکواڈ میں شامل ہیں۔ پاکستان اور آسٹریلیا کے درمیان ٹی 20 سیریز کے میچز 14، 16 اور 18 نومبر کو آسٹریلیا میں کھیلے جائیں گے۔