لاہور‘فیروزوالہ(نامہ نگار ان)شہر کے مختلف علاقوں میں ڈاکوئوں اورچوروں نے ڈکیتی ‘چوری کی متعدد وارداتوں میں شہریوں سے لاکھوں روپے ‘زیورات،موبائل فون، موٹر سائیکلیں ،گاڑیاںدیگرسامان لوٹ لیا۔ڈاکوؤں نے فیصل ٹاؤن میں سلیمان کے گھر میں گھس کراہلخانہ کو گن پوائنٹ پر یرغمال بنا کر ساڑھے5لاکھ روپے‘ زیوارات،موبائل فون دیگر سامان،گلشن اقبال میں طاہرکی فیملی سے 3لاکھ 30 ہزار‘ زیوارات‘ موبائل فون،رائیونڈ سٹی سے 31 ہزار‘غازی آباد میں عادل سے 20ہزار‘ موبائل فون،کوٹ لکھپت میں مجید سے 15 ہزار‘ موبائل فون،ٹاؤن شپ میں فرہاد سے 40 ہزار‘موبائل فون،سمن آباد میں نسیم سے 50ہزار‘ موبائل فون‘بادامی باغ میں احمد سے 56 ہزار‘موبائل فون،ریس کورس میں شاہد سے 13ہزار ‘ موبائل فون لوٹ لیا۔چوروں نے باٹا پور، ڈیفنس، لاری اڈا، مانگا منڈی سے چارگاڑیاں جبکہ فیکٹری ایریا‘ ساندہ‘نشتر کالونی‘ریس کورس،سندر،کاہنہ،غالب مارکیٹ اور اچھرہ سے8 موٹر سائیکلیں چوری کرلی ۔فیروزوالہ‘ چوکی کوٹ عبدالمالک کے قریب موٹر سائیکل سوار تین ڈاکوؤں نے خان سپرسٹورلوٹ لیا ۔ڈاکو کی تقریبا 30 لاکھ روپے کی رقم ‘ دو موبائل چھین کر لے گئے ۔خان سپر سٹور کے مالک عباد اللہ خان سٹور پر موجود تھا کہ اس دوران نجی گھی کمپنی کے سیل مین تیموراحمد اور دیگر افراد کو یرغمال بنا کر سیل مین تیمور سے 19لاکھ ‘سپرسٹور کہ مالک عباد اللہ خان سے سیل6لاکھ روپے کی رقم اور قریب کھڑے لوگوں سے بھی نقدی ‘ موبائل چھین لیے ۔