حافظ آباد میں پانچ روزہ انسداد پولیو مہم کا آغاز 

حافظ آباد(نمائندہ نوائے وقت)حافظ آباد میں بھی آج سے پانچ روزہ انسداد پولیو مہم شروع ہو گئی۔ ڈپٹی کمشنر عبدالرزاق نے جھگیوں میں رہنے والے بچوں کو حفاظتی قطرے پلا کر انسداد پولیو مہم کا افتتاح کیا۔ سی ای او ہیلتھ ڈاکٹر عمر شریف راٹھور،ڈپٹی ڈی ایچ او ڈاکٹر ظہیر احمد،ڈبلیو ایچ او کے نمائندہ ڈاکٹر توقیر احمد بھی اس موقعہ پر موجود تھے ۔پانچ روزہ انسداد پولیو مہم کے دوران ضلع بھر کے پانچ سال تک کی عمر کے 2 لاکھ 38 ہزار 551 بچوں کو حفاظتی قطرے پلا ئے جائینگے ۔بچوں کو حفاظتی قطرے پلانے کے لیے محکمہ صحت کی 998 ٹیمیں بس اڈوں، ریلوے اسٹیشن،بازارو،عوامی مقامات، سکولوں اور گھر گھر جا کر بچوں کو حفاظتی قطرے پلائینگی ۔