شیخوپورہ:سبزی وپھل منڈی کی شہر سے باہر منتقلی 21سال سے زیر التواء 

شیخوپورہ (سلطان حمید راہی +ڈاکٹر شیخ جمیل اختر +سیف الرحمن سیفی) شیخوپورہ میں سبزی اور پھل منڈیوں کو شہر سے باہر منتقل کر نے کیلئے حکومتی منصوبہ 21سال سے زیرالتوا ہے جبکہ حکومت نے نئی سبزی و پھل منڈی کی ڈویلپمنٹ کیلئے آڑھتیوں سے 19،19لاکھ روپے کی خطیر رقم بھی وصول کرلی تھی مگر ابھی تک نہ ہی شہر میں موجود پھل اور سبزی منڈیوں کو بائی پاس پر منتقل کیا جا سکا جس سے شہرمیں موجود منڈیوں میں گندگی کا ڈھیر کے ساتھ ساتھ ٹریفک کی روانی بھی شدید متاثر ہو رہی ہے۔