ننکانہ صاحب(نمائندہ نوائے وقت)ضلع ننکانہ صاحب اور اس کی تین تحصیلوں میں پانچ روزہ انسداد پو لیو مہم کاآغازکردیا گیا ہے، 5 سال تک کی عمر کے 2 لاکھ 8 ہزار بچوں کو پولیو سے بچائو اور وٹامن اے کے قطرے پلائے جائیں گے۔ ڈپٹی کمشنر محمد تسلیم اختر رائونے ڈسٹرکٹ ہیڈ کوآرٹر ہسپتال میں محکمہ صحت کے افسران کے ہمراہ بچوں کو پولیو سے بچا ئواور وٹامن اے کے قطرے پلا کر مہم کا آغاز کیا وہ ڈسٹرکٹ ہیڈ کوآرٹر ہسپتال میں پولیو سے بچائوکے قطرے پلانے کیلئے بنا ئے گئے خصوصی کائونٹر پر بھی گئے اور وہاں عملے کے کام کا جائزہ لیا۔