اسلام آباد( خبر نگار)  چیئرمین الھادی دستر خوان اینڈ ویلفیئر فورم طاہر عباس نے کہا ہے کہ27اکتوبر تاریخ کا سیاہ ترین دن ہے ۔ جب بھارت نے سرینگر میں افواج اتارکر جارحیت کی بھارتی قبضہ کے خلاف دنیا بھر میں مقیم کشمیری یوم سیاہ مناتے ہیں ۔ بھارت نے سرینگر میں افواج اتارکر جارحیت کی ہے ۔بھارت اپنی تمام طاقت کا استعمال کرنے کے باوجود کشمیریوں کے حوصلے کم کرنے میں بری طرح ناکام رہا ۔ عالمی برادری بھارت کی مقبوضہ کشمیر میں مسلسل اپنی افواج کے ذریعے کشمیریوں کے قتل عام کا نوٹس لے ۔ کشمیر پر بھارتی غاصبانہ قبضہ کے خلاف پوری دنیا میں احتجاج جاری ہے ۔ طاہر عباس نے کہاکہ بھارت فوری مقبوضہ کشمیر سے اپنی افواج واپس بلائے ۔ کشمیریوں کو ان کا پیدائشی حق آزادی دیا جا ئے ۔ پاکستان اور پاکستان سے باہر محبان کشمیر نے 27اکتوبر کا دن یوم سیاہ کے طور پر منایا۔