پاکستانی کھلاڑےوں نے جامع مسجدکولمبو میں نماز جمعہ اداکی

کامیابی کیلئے خصوصی دعائیں، شائقین نے کھلاڑیوں سے آٹوگراف لئے، ٹےم کے حق مےں نعرے
کولمبو (آئی این پی) پاکستان کرکٹ ٹیم کے کھلاڑیوں نے جنوبی افریقہ کیخلاف میچ سے قبل کولمبو کی جامع مسجد میں نماز جمعہ ادا کی اور ٹیم کی کامیابی کیلئے خصوصی دعائیں کیں، جمعہ کو پاکستانی ٹیم کے کھلاڑیوں اور ٹیم مینجمنٹ کے ارکان نے کولمبو کی جامع مسجد میں نماز جمعہ ادا کی اور ٹیم کی کامیابی کیلئے خصوصی دعائیں کیں۔ کھلاڑیوں کی آمد کے موقع پر سینکڑوں مسلمانوں نے ٹیم کے حق میں نعرے بازی کی۔ نماز جمعہ کی ادائیگی کے بعد پاکستانی شائقین نے کھلاڑیوں سے آٹوگراف بھی لئے، نماز کی ادائیگی کے بعد کھلاڑی رانا سنگھے پریماداسا سٹیڈیم روانہ ہوگئے۔ اس موقع پر سکیورٹی کے انتہائی سخت انتظامات کئے گئے تھے۔