قصور+ واربرٹن+ پاکپتن+ فیصل آباد+ پسرور (نامہ نگار+ نمائندہ نوائے وقت+ نمائندہ خصوصی) قصور‘ واربرٹن‘ پاکپتن میں 2 خواتین اور طالبعلم سے زیادتی‘ فیصل آباد میں ملزم گرفتار کرلیا۔ تفصیلات کے مطابق کوٹ علی گڑھ قصور میں دکاندار نے 9 سالہ بچے کو زیادتی کا نشانہ بنا دیا۔ اشفاق کا بیٹا ثاقب حافظ رمضان کے پاس گیم کھیلنے گیا تو حافظ ثاقب نے اس سے زبردستی زیادتی کرڈالی۔ ملتان سے اغوا ہوکر فروخت ہونے والی 22 سالہ خاتون واربرٹن سے برآمد۔ ملتان کے رکشہ ڈرائیور نے اغوا کرکے کئی روز تک زیادتی کے بعد واربرٹن کے نواحی گائوں جسلانی کے ایک شخص کو پچاس ہزار روپے میں فروخت کرکے نکاح پر نکاح کرا دیا۔ واربرٹن میں بھی کئی افراد پر زیادتی کا الزام ہے۔ ملتان کے محنت کش بشیر کی بیوی نمرہ ارباب جو محمد رفیق کی بیٹی ہے‘ تھانہ واربرٹن میں بتایا 25 روز قبل وہ اپنے خاوند کے گھر اپنی ملں کو ملنے کیلئے رکشہ پر سوار ہوئی تو رکشہ ڈرائیور شوکت اسے ایک گھر میں لے گیا جہاں پر کئی روز تک شوکت اور اسکا دوست زیادتی کرتے رہے۔ بعدازاں شوکت نے واربرٹن کے ایک نوجوان اشفاق سے پچاس ہزار روپے لیکر میرا نکاح زبردستی کرا دیا۔ جسلانی میں بھی کئی افراد نے زیادتی کا نشانہ بنایا ہے۔ واربرٹن پولیس نے لڑکی کی والدہ اور والد سے رابطہ کر لیا ہے۔ علاوہ ازیں پاکپتن میں گائوں 77/D کی سعدیہ بی بی فصلوں میں رفع حاجت کیلئے گئی جہاں نعیم نے اس سے زیادتی کر ڈالی۔ فیصل آباد میں تھانہ ڈجکوٹ پولیس نے چھاپہ مار کر سات سالہ بچے احمد قیوم سے زیادتی کرنے والا ملزم نعمان گرفتار کرکے حوالات تھانہ بند کر دیا ہے۔ ملزم نعمان نے سات سالہ احمد سے زیادتی کر ڈالی اورموقع سے فرار ہو گیا۔ پسرور میں شراب کے نشہ میں دھت اوباش نوجوان نے 14 سالہ طالبعلم سے زیادتی کر دی۔ طارق عرف پپو ڈائو نے گزشتہ رات 10 بجے کے قریب مبینہ طورپر محلہ بہادر پورہ کے محنت کش احمد علی کے 14 سالہ بیٹے شہریار کو بہانے سے بلا کر زیادتی کی۔