سرکاری ہسپتال مسائل کے گڑھ بن چکے:ذکراللہ مجاہد

لاہور (خصوصی نامہ نگار)امیر جماعت اسلامی لاہور ذکر اللہ مجاہد نے کہا ہے کہ شہر کے سرکاری ہسپتالوں پر محکمہ صحت کی کمزور گرفت کے باعث ہسپتال مسائلستان بن چکے ہیں ۔ 77بر س بعد بھی پاکستانی عوام ایک طرف علاج معالجے کی مناسب سہولیات کیلئے ترس رہی ہے تو دوسری طرف مہنگائی کی وجہ سے انہیں پیٹ بھر کھانا بھی میسر نہیں ۔ انہوں نے مزید کہا کہ عوام اپنے انسانی بنیادی حقوق صحت وتعلیم اور روزگار سے محروم ہو رہے ہیں۔