خاندان رسول ؐ کے احسانات کبھی فراموش نہیں کئے جاسکتے:اشرف آصف جلالی

لاہور (خصوصی نامہ نگار)تحریک لبیک یا رسول اللہ ﷺ ،تحریک لبیک اسلام کے سربراہ ڈاکٹر محمد اشرف آصف جلالی نے جامع مسجد رضائے مجتبیٰ میں جمعۃ المبارک کے اجتماع سے ’’عظمت اہل بیت ‘‘کے موضوع پر خطاب کرتے ہوئے کہا خاندان رسول ﷺ کے احسانات کبھی فراموش نہیں کیے جاسکتے۔آلِ محمد ﷺ نے دین کی خدمت کا حق ادا کیا۔اپنے کردار سے دینِ نبی ﷺ کی عملی تشریح پیش کی ۔آل واصحاب رسول ﷺنے حفاظت ِدین اور ترویجِ دین کیلئے خیر اُمت کی سر پرستی کی ۔اگلی نسلوں تک دربار رسالت کی روشنی انہیں کے ذریعے پہنچی۔