ہرارے(انٹرنیشنل ڈیسک)زمبابوے کے سابق صدر رابرٹ موگابے کو آج سخت سکیورٹی میں ان کے آبائی علاقے میں سپرد خاک کیا جا رہا ہے۔ موگابے کو برطرف کرنے والی انتظامیہ کے ساتھ تنازعے کے نتیجے میں موگابے کے اہل خانہ نے تقریب کی نوعیت نجی رکھنے کا فیصلہ کیا ہے۔ زمبابوے میں عموماً آخری رسومات میں بڑی تعداد میں افراد شرکت کرنے کا رواج ہے۔ لیکن افریقہ کے تاریخ ساز رہنما کی تدفین میں آج صرف قریبی اہل خانہ شریک ہیں۔