گلگت، عزاداروں کی گاڑی نالے میں گرگئی، 5 جاں بحق، 17 زخمی 

گلگت (نامہ نگار) گلگت میں سلطان آباد پل کے قریب عزاداروں سے بھری مزدا گاڑی حادثے کا شکار ہوکر نالے میں گرگئی۔ المناک حادثے میں 5 افراد جاں بحق 17 زخمی ہوگئے۔ زخمیوں میں بچے بھی شامل بتائے جاتے ہیں۔ مزدا گاڑی میں سوار مسافر چہلم کے مرکزی جلوس میں شرکت کیلئے جوتل سے گلگت جارہے تھے۔  زخمیوں کو ریسکیو 1122 کی گاڑیوں میں پی ایچ کیو ہسپتال گلگت منتقل کردیاگیا جہاں 6 کی حالت تشویشناک بتائی جاتی ہیں۔