اسلام آباد‘ لاہور ( خبر نگار‘ خصوصی رپورٹر)  شہباز شریف سے جمعیت اہلحدیث کے سربراہ ساجد میر نے ملاقات کی اور  برطانوی عدالت سے بریت پر شہباز شریف کو مبارکباد دی۔  شہباز شریف نے کہا کہ اﷲ  تعالیٰ کا شکر ادا کرتے ہیں کہ اس نے ہمیں ایک بار پھر اپنے فضل  سے سرخرو فرمایا۔ پاکستان ہی نہیں برطانیہ  کی عدالتوں میں بھی ایک دھیلے کی کرپشن کا کا الزام ثابت نہ  ہو سکا۔ جھوٹ نے آخری مٹنا ہی ہوتا ہے اور سچائی ثابت ہو کر ہی رہتی ہے۔ شہباز شریف نے علامہ ساجد میر کی آمد اور نیک تمناؤں کے اظہار پر ان کا شکریہ ادا کیا۔ شہباز شریف سے مسلم لیگ ن کے خیبر پی کے کے صدر انجینئر امیر مقام کی ملاقات کی۔ امیر مقام نے برطانوی عدالت سے بریت کے فیصلے پر شہباز شریف کو مبارکباد دی۔ علاوہ ازیں مسلم لیگ (ن) کے صدر میاں محمد شہباز شریف آج  اہم پریس  کانفرنس  کریں گے۔