حیدرآباد میں کوٹری موٹر وے لونی کوٹ کے قریب مسافر بس اور ٹرالر میں خوفناک تصادم سے 5 افراد جاں بحق اور متعددزخمی ہوگئے۔تفصیلات کے مطابق حیدرآباد کوٹری موٹر وے لونی کوٹ کے قریب کراچی سے حیدر جانیوالی مسافر بس اور ٹرالر کے درمیان خوفناک تصادم کے نتیجے میں 5 افراد جاں بحق اور 15 زخمی ہوگئے،حادثے کے بعد پیچھے سے آنے والی دیگر 2 کاریں بھی آپس میں ٹکرا گئیں۔حکام کے مطابق پولیس نے جائے حادثہ پر پہنچ کر زخمی افراد کو کوٹری تعلقہ ہسپتال منتقل کیا۔ حادثہ بس ڈرائیور کی غفلت کے باعث پیش آیا، ڈرائیور کی تلاش جاری ہے۔