وہاڑی (نامہ نگار) ڈپٹی ڈائر یکٹر زراعت توسیع وہاڑی رانا محمد عارف نے کہا ہے کہ نمائشی پلاٹوں کی کاشت کیلئے گندم کے کاشتکاردرخواستیں 5تا 20اکتوبر2022ء  تک جمع کروا سکتے ہیں درخواست فارم متعلقہ زراعت آفیسر (توسیع) اور اسسٹنٹ ڈائریکٹر زراعت (توسیع) کے دفاتر سے مفت حاصل کئے جا سکتے ہیں یا محکمہ زراعت پنجاب کی ویب سائٹ www.agripunjab.gov.pkسے ڈاؤن لوڈ کر سکتے ہیں فارم کی فوٹو کاپی بھی قابل قبول ہو گی انہوں نے مزید کہا کہ نہری علاقوں میں 5سے ساڑھے 12ایکٹر اور بارانی علاقوں میں 25ایکٹر تک قابل کاشت زرعی اراضی کے مالک مرد و خواتین درخواست دینے کے اہل ہوں گے حکومت پنجاب کی طرف سے ایک ایکٹر نمائشی پلاٹ کے اخراجات 11ہزار روپے فراہم کئے جائیں گے ۔