لاہور(سپورٹس رپورٹر ) قومی ٹیم کے کپتان بابراعظم نے پانچواں ٹی ٹونٹی میچ جیتنے پر کہا کہ شاداب خان کے آنے سے ٹیم کو مضبوطی ملی‘انہوںنے کھلاڑیوں کے مورال کو بلند کیا ۔ باﺅلرز کی حوصلہ افزائی کی تاکہ کم رنز کا بھی دفاع کرسکیں ۔ عامرجمال کے ٹی ٹونٹی ڈیبیو سے بھی خوش ہیں ‘انہوں نے اچھی کارکردگی دکھائی ۔ محمد رضوان نے اچھی اننگز کھیلی ‘ان کی اننگز ٹیم کے کام آئی ۔ انگلش کپتان معین علی نے کہا کہ شکست سے مایوسی ہوئی۔ ہدف حاصل نہیں کرسکے ۔ درمیانی اوورز میں سپنر ز کے جال میں پھنس گئے ۔ میچ کے اختتامی لمحات میں کھیلنے میں مشکلات پیش آئیں ۔ مارک ووڈ وکٹیں حاصل کررہا ہے ۔ بیٹرز نے اچھی کارکردگی نہیں دکھائی جو ہمارے لئے خطرنا ک ہے ۔