ننکانہ صاحب(نمائندہ نوائے وقت) ڈسٹرکٹ انچارج ٹریفک ننکانہ اعجاز شاہ کی ہدایت پر ٹریفک پولیس کی جانب سے ٹریفک قوانین آگاہی مہم جاری، پنجاب کالج شاہکوٹ میں ٹریفک پولیس افسران نے سٹوڈنٹس کو خصوصی لیکچر دیا۔ لیکچرز میں خصوصی طور پر ون وے کی خلاف ورزی، ہیلمٹ کا استعمال نہ کرنا، بیک ویو مرر، کم عمری میں ڈرائیونگ سے اجتناب، تیز رفتاری، ون ویلنگ و دیگر ٹریفک قوانین کے متعلق آگاہ کیا گیا۔ ٹریفک پولیس افسران نے بتایا کہ 15 سے 16 سال سے کم عمر بچے عام شاہراوں پر ٹریفک قوانین سے آگاہی نہ ہونے کی وجہ سے حادثات کا شکار ہوتے ہیں۔