کامیابی اسوہ حسنہ پر عمل سے: شہباز شریف

لندن (نوائے وقت رپورٹ) شہباز شریف نے امت مسلمہ کو عید میلادالنبی کی مبارکباد دی ہے۔ شہباز شریف نے کہا ہے کہ نبی اکرم کی ولادت اللہ تعالیٰ کی انسانیت پر خاص رحمت ہے۔ اللہ تعالیٰ نے نبی کریم کو رحمت للعالمین بنا کر بھیجا۔ نبی کریم نے انسانیت کی فلاح اور دنیا و آخرت میں کامیابی کا ابدی نظام دیا۔ آپ نے نفرتوں اور جھگڑوں کو ختم کرایا۔ ایک دوسرے کے خون کے پیاسوں کو بھائی بھائی بنا دیا۔ اسوہ حسنہ اپنا کر ہی ہم دنیا و آخرت میں کامیاب ہو سکتے ہیں۔
شہباز، پیغام
لاہور(نوائے وقت رپورٹ) سابق وزیراعظم شہباز شریف لندن سے واپس پاکستان پہنچ گئے ہیں۔ شہباز شریف حال ہی میں 2 مرتبہ لندن گئے تھے جہاں انہوں نے نواز شریف سے ملاقات کی تھی، اس ملاقات میں ملکی سیاسی صورتحال اور نواز شریف کی پاکستان واپسی سے متعلق گفتگو کی گئی تھی۔ لندن میں میڈیا سے گفتگو کرتے ہوئے شہباز شریف نے کہا تھا کہ نواز شریف کی 21 اکتوبر کو وطن واپسی کا پروگرام فائنل ہے، ملکی عوام تاریخی استقبال کریں گے، تمام پارٹی رہنما21 اکتوبر سے قبل بیرون ملک سفر نہ کریں۔
شہباز شریف