بیگ کے ہینڈل میں چھپا کر منشیات کی دبئی اسمگلنگ ناکام

ائیرپورٹس سکیورٹی فورس نے پشاور ائیر پورٹ پر کارروائی کرتے ہوئے دبئی جانے والے مسافر کے بیگ سے 755 گرام سے زائد ہیروئن برآمد کرلی۔ترجمان کے مطابق مسافر محمد فاروق دبئی جانے کیلئے پشاور ائیرپورٹ پہنچا تھا، اس دوران اے ایس ایف کے عملے نے مسافر کے بیگ کی چیکنگ کے دوران ہیروین کی نشاندہی کی۔اے ایس ایف کے مطابق آئس ہیروئن بیگ کی تہہ میں نہایت مہارت سے چھپائی گئی تاہم اے ایس ایف کے عملے نے سامان کی تلاشی کے دوران 755 گرام آئس ہیروئن برآمد کرکے اسمگلنگ کی کوششں ناکام بنا دی۔ترجمان کا کہنا ہےکہ ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لیے اے این ایف حکام کے حوالے کر دیا گیا ہے۔