لاہور(سپورٹس رپورٹر)پاکستانی سکواش کھلاڑی عاصم خان نے امریکہ میں جاری شارلٹس ول اوپن سکواش ٹورنامنٹ کے فائنل میں جگہ بنالی۔سیمی فائنل میں عاصم نے میکسیکو کے سیزار سیلازار کو سٹریٹ گیمز میں شکست دے کر فیصلہ کْن معرکے میں جگہ بنائی۔میکسیکن کھلاڑی کیخلاف عاصم کی جیت کا سکور 11-5، 11-5، اور 11-4 رہا۔عاصم خان کی اس شاندار کارکردگی نے انہیں 28750 ڈالرز کی انعامی رقم والے اس ایونٹ کے فائنل تک پہنچایا ہے۔اب عاصم خان کا مقابلہ انگلینڈ کے نک وال سے ہوگا۔