تتلے عالی:زمیندار اور اسکے بیٹے کی نوکرانی سے مبینہ زیادتی کی کوشش

تتلے عالی(نامہ نگار)زمیندار اور اسکے بیٹے کی نوکرانی سے مبینہ زیادتی کی کوشش ،بتایا گیا ہے کہ نواحی گاؤں قلعہ نوہد سنگھ میں عادل کے ڈیرہ پر لاہور سے تعلق رکھنے والے علی رضا اور اسکی بیوی سونیا ڈیرہ پر مویشیوں کی رکھوالی پر مامور ہیں، گزشتہ روز سونیا بی بی نے تھانہ تتلے عالی میں درخواست دی کہ اسے اکیلا پاکر زمیندارعادل اور اسکے باپ عاشق نے جنسی تشدد کا نشانہ بنانا چاہاجبکہ عادل اور اسکے باپ عاشق نے اس الزام کی سختی سے تردید کرتے ہوئے کہا ہے کہ انہوں نے اپنے ملازم علی رضا سے مختلف اوقات میں دیا گیا دس لاکھ روپے کا تقاضہ کیا تھا،جس کی بناء  پر دونوں میاں بیوی ایسا گھناؤنا الزام لگا کر رقم ہڑپ کرنا چاہتے ہیں،تتلے عالی پولیس مصروف تفتیش ہے۔