کامونکی:چوری کی مختلف وارداتیں، شہری مال وزر سے محروم 

کامونکی(نمائندہ خصوصی)چوری کی چھ مختلف وارداتوں میں چور رات کی تاریکی میں طلائی زیورات،لاکھوں روپے نقدی موٹرسائیکلیں سنیٹری اور بجلی کا سامان اور موبائل چوری کر کے رفو چکر ہو گئے۔تھانہ سٹی کے علاقہ بھٹہ ٹاؤن کے قاسم کے گھرکے باہر سے چور اس کی موٹرسائیکل،تھانہ ایمن آباد کے علاقہ جلیل ٹاؤن کے عبدالستار کی محلہ ممتاز آباد مسجد کے باہر جمعہ کے دوران چور موٹرسائیکل چوری کر کے لے گئے۔ کوٹلی نواب کے محمد رکھا کی بشارت ٹاؤن میں زیرتعمیر مکان کے تالے توڑ کر چور بارہ کوائل کاپر تار،مشینیں ودیگر سینٹری کا سامان مالیت اڑھائی لاکھ چوری کر کے لے گئے۔ایمن آباد کے علاقہ لالوپور کے افضال کے گھر کے باہر سے اس کی موٹرسائیکل کو چوری کر لیا گیا۔جبکہ بشارت ٹاؤن کے اصغر کے گھر کے تالے تور کر چور اس کے گھر کے تالے توڑ کر ایک لاکھ ستر ہزار روپے نقدی چوری کر کے لے گئے اور کوٹ محمد شفیع کے صدیق کے گھر سے  چور موبائل چوری کر کے لے گئے۔پولیس نے مقدمات درج کر لیے ۔ڈکیتی کی تین وارداتوں میں شہریوں کو موٹرسائیکلوں اور نقدی رقم سے محروم کردیا گیا۔تھانہ تتلے عالی کے علاقہ میں حمزہ  تنگ خورد سے تین ڈاکو موٹر سائیکل چھین کر لے گئے جبکہ تھانہ صدر میں حمزہ مغل  ایمن آباد سے دو ڈاکو موٹر سائیکل چھین کر فرار ہوگئے۔