قصور: بے روزگاری‘ گھریلو جھگڑوں سے تنگ2 خواتین سمیت 3 افراد کا قدام خودکشی

قصور(نمائندہ نوائے وقت)مختلف واقعات میں بے روزگاری اور تنگدستی سے دلبرداشتہ 2 خواتین سمیت 3 افراد نے خودکشی کی کوشش کی۔ گزشتہ روز شہباز خاں روڈ کی 24 سالہ مافیہ بی بی نے گھریلو خرچے کی وجہ ہر روز کی لڑائی سے تنگ آ کر بلیچن پی لیا اور کوٹلی رائے ابوبکر کی رہائشی شاہین بی بی نے گھریلو جھگڑے سے دلبرداشتہ ہو کر زہریلا کیمیکل پی لیا۔ جناح کالونی قصور کے رہائشی 21 سالہ عثمان نے والدین کی ڈانٹ ڈپٹ سے دلبرداشتہ ہو کر گندم میں رکھنے والی زہریلی گولیاں نگل لیں۔حالت تشویشناک ہونے پر تینوں کو ڈسٹرکٹ ہسپتال منتقل کر دیا گیا۔پولیس مصروف کارروائی ہے۔