5منشیات فروش گرفتار‘اڑھائی کلو چرس ایک کلو آئس‘60لیٹر شراب برآمد

لاہور(سٹاف رپورٹر)کینٹ ویثر ن پولیس نے 3منشیات فروش گرفتارکر کے مقدمات درج کرلئے۔ باغبانپورہ اور مناواں پولیس نے مختلف کاروائیوںکرتے ہوئے دوران چیکنگ 3منشیات فروش جاوید،حارث، زاہد کوگرفتارکرکے ان سے اڑھائی کلوسے زائد چرس برآمد کرکے مقدمات درج کرلیے ۔پولیس کاکہناہے کہ دوران تفتیش ملزمان نے تعلیمی اداروں، ہوسٹلز، کالجزکے اطراف منشیات بیچنے کا اعتراف کیاہے۔ گوالمنڈی پولیس نے کارروائی کے دوران منشیات فروش ظفرکو گرفتارکرکے 60لیٹرزہریلی شراب برآمد کرکے مقدمہ درج کرلیا۔پولیس کاکہناہے کہ ملزم شراب کی ترسیل کیلئے لوکل ٹرانسپورٹ کااستعمال کرتاتھا۔  گلشن اقبال پولیس نے دوران سنیپ چیکنگ مشکوک شخص کوروککرچیک کیاتوملزم عمر ساجدنے فرارہونے کی کوشش کی‘پولیس نے تعاقب کے بعدڈونگی گرائونڈسے گرفتار کرکے لاکھوں روپے مالیت کی ایک کلوسے زائد آئس برآمدکر کے مقدمہ درج کرلیا۔