چونیاں:نجی فیکٹری کی بس نے 2افراد کوکچل کرمارڈالا

قصور‘ چونیاں (نمائندہ نوائے وقت‘ نامہ نگار خصوصی) ٹریفک حادثہ میں 2 افراد جاں بحق ہو گئے۔ ہنجروال پھاٹک چھانگا مانگا کے قریب تیز رفتار نجی فیکٹری کی بس نے دو افراد کو بری طرح سے کچل کر ہلاک کر دیا۔ اس حادثے میں جاں بحق ہونے والوں کی شناخت 70 سالہ اختر اور 45 سالہ شہزاد کے نام سے ہوئی ہے جبکہ بس کا ڈرائیور موقع سے فرار ہو گیا۔ ریسکیو 1122 کے عملے نے دونوں نعشوں کو ہسپتال منتقل کر دیا۔