لاہور (سٹاف رپورٹر )  پنجاب پولیس کے کچے کے علاقے میں آپریشن کید وران بدنام زمانہ ڈاکو اختر عرف موٹی ہلاک ہوگیا۔ ترجمان پنجاب پولیس کے مطابق کچے کے علاقے میں جرائم پیشہ عناصر کے خلاف آپریشن جاری ہے۔ اسی سلسلے میں راجن پور کے کچے کے علاقے میں ڈاکوں کے خلاف ایک کارروائی کے دوران بنگلہ اچھا سرکل میں راجن پور پولیس اور ڈاکوں کے درمیان شدید فائرنگ کا تبادلہ ہوا۔ ڈاکوں اور پولیس کے مابین دو طرفہ فائرنگ کے دوران کچے کے علاقے کا بدنام زمانہ ڈاکو اختر عرف موٹی ہلاک ہوگیا، جو قتل، اقدام قتل، اغوا برائے تاوان اور ڈکیتی سمیت متعدد مقدمات میں مطلوب تھا۔ آئی جی پنجاب ڈاکٹر عثمان انور نے خطرناک ڈاکو کو کیفر کردار تک پہنچانے پر راجن پور پولیس کو شاباش دی ہے۔