پی آئی اے نے پاکستان کا پہلا  قومی سیاحتی ایوارڈ اپنے نام کرلیا

 راولپنڈی (سٹاف رپورٹر) پی آئی اے کیلئے اعزاز، پاکستان کا پہلا قومی سیاحتی ایوارڈ اپنے نام کرلیا۔ عالمی سیاحتی دن کے موقع پر تقریب میں ایوارڈ سی ای او پی آئی اے ائیر وائس مارشل عامر حیات کو دیا گیا۔ ایوارڈ ملکی سیاحت کے فروغ میں پی آئی اے کے کردار پر دیا گیا۔ پی آئی اے واحد ملکی فضائی سروس ہے جو ملک کے طول و عرض کو اندرون و بیرون ملک سے منسلک کرتی ہے۔ پاکستان کے خوبصورت ترین شمالی علاقہ جات کو دنیا میں متعارف کروانے کی ایک مہم بھی پی آئی اے نے چلائی، ترجمان  پی آئی اے کے مطابق ایوارڈ حاصل کرنا پی آئی اے کے لئے اعزاز کی بات ہے۔