حزب اللہ کےسربراہ حسن نصر اللہ کا جسد خاکی مل گیا ہے۔خبر ایجنسی کے مطابق حسن نصر اللہ کا جسد خاکی تباہ عمارت کے ملبے سے ملا . حزب اللہ کےسربراہ حسن نصراللہ کو بیروت میں شہید کیاگیاتھا۔دوسری جانب لبنان میں اسرائیلی حملوں میں تیزی آگئی ہے.2 ہفتوں میں ایک ہزار افراد شہید ، 6ہزار زخمی ہوگئے.عرب میڈیا کے مطابق لبنان میں اسرائیلی حملوں میں 2روز میں 14ہیلتھ ورکر ز بھی شہید ہوئے۔لبنان کے جنوبی علاقوں سے 10 لاکھ سے زائد شہری نقل مکانی کر چکے ہیں.اسرائیل نے دعویٰ کیا ہے کہ جنونی لبنان پر حملے میں حزب اللہ کے سینئر رہنما شیخ نبیل قاوق شہید ہوگئے ہیں۔لبنان کے نگران وزیر اعظم نجیب میقاتی کا کہنا ہے کہ ہمارے پاس سفارتی حل کے علاوہ کوئی راستہ نہیں۔