ہمیں جو قائد اعظم نے دلوائی تھی آزادی
مُشرف کرنے آیا ہے اس آزادی کی بربادی
کمانڈو اورسید ہونا اچھی بات ہے لیکن
مگر یہ حکمران”یوُ ٹرن“لینے کا بھی ہے عادی
بڑی حیرت سے کل پوچھا تھا مجھ سے میرے قائد نے 
 ابھی تک کیوں نہیں تم لے سکے کشمیر کی وادی
کہا میں نے مجھے اس کی خبر کچھ بھی نہیں قائد
 ہماری فوج نے کیوں”ایل اوسی“پرباڑ بنوادی
ہماری فوج قابض ہے وطن کے ذرے ذرے پر 
وطن کی سرزمین ہے فوجیوں کی ایک شہزادی
 وطن کے نام پرہم قرض لیکر چہچہاتے ہیں
یہی اک جشن ِآزادی ہے بس اب جشن بربادی
امیروں اور وڈیروں کے لئے دولت فراواں ہے
غریبوں کے لئے اس ملک میں ہے صرف بربادی