اسلام آباد (نمائندہ نوائے وقت) سپریم کورٹ نے چیئرمین نیب فصیح بخاری تعیناتی کیس کی سماعت آج تک ملتوی کر دی۔ عدالت نے سابق چیئرمین نیب دیدار حسین شاہ کی نظرثانی درخواست عدم پیروی کی بنیاد پر نمٹا دی۔ جسٹس تصدق حسین جیلانی کی سربراہی میں پانچ رکنی بنچ نے چیئرمین نیب فصیح بخاری کی تعیناتی اور سابق چیئرمین کے خلاف دائر کی گئی درخواستوں پر سماعت کی۔ سابق چیئرمین نیب دیدار شاہ کے وکیل حفیظ پیرزادہ نے عدالت کو بتایا ان کے موکل کی جانب سے اس نظرثانی اپیل میں پیش ہونے کیلئے کوئی بھی ہدایات موصول نہیں ہوئیں اس لئے وہ دلائل نہیں دے سکتے۔ عدالت نے موجودہ چیئرمین فصیح بخاری کی تعیناتی سے متعلق مسلم لیگ ن کے رہنما چودھری نثار کی درخواست پر اٹارنی جنرل عرفان قادر کو طلب کر لیاہے۔
فصیح بخاری