سرجانی ٹاؤن میں خدا کی بستی کے قریب نامعلوم افراد نے فائرنگ کرکے آفتاب نامی شخص کوموت کے گھاٹ اتاردیا۔ پولیس کے مطابق مقتول سیاسی جماعت کا کارکن تھا، میوہ شاہ قبرستان اور میرا ناکہ پل کے قریب سے بھی دوافراد کی لاشیں برآمد ہوئی ہیں،،،جن کی شناخت نہیں ہوسکی، اورنگی ٹاؤن پاکستان بازار کے علاقے میں راشد نامی شخص ٹارگٹ کلنگ کا نشانہ بنا جبکہ منگھوپیرمیں نامعلوم افراد نے فائرنگ کرکے جاوید نامی شخص کوموت کے گھاٹ اتاردیا۔ ادھرمومن آباد بم دھماکے میں زخمی ہونے والا شخص بھی اسپتال میں دم توڑگیا،،،دوسری جانب ماڑی پورمیں رینجرز نے کارروائی کرکے کالعدم تنظیم کے رکن کو حراست میں لے کربھاری اسلحہ برآمد کرلیا۔ ذرائع کے مطابق زیر حراست ملزم کالعدم تحریک طالبان کے رہنما بیت اللہ محسود کا قریبی ساتھی ہے،،جبکہ کلفٹن کے علاقے گذری میں مختلف مقامات پر پولیس اور رینجرز نے مشترکہ ٹارگٹڈ آپریشن میں چوبیس مشتبہ افراد کو حراست میں لے لیا جن سے تفتیش کا سلسلہ جاری ہے۔