لاہور (کلچرل رپورٹر) معروف گلوکار و اداکار علی ظفر کو نجی ٹی وی چینل کی طرف سے انٹرنیشنل سٹار کا ایوارڈ ملا ہے۔ علی ظفر نے ایوارڈ ملنے پر اپنے پرستاروں کا شکریہ ادا کیا ہے۔ انہوں نے کہا کہ میری خواہش اور کوشش ہے کہ پاکستان فلم انڈسٹری ترقی کرے اسی لئے میں بھارت میں اپنی مصروفیات چھوڑ کر فلم ایوارڈ تقریب میں شرکت کیلئے پاکستان آیا ہوں۔نوائے وقت سے گفتگو کرتے ہوئے کہا کہ گلوکاری چھوڑی نہیں بلکہ گلوکاری اور اداکاری ساتھ ساتھ چل رہی ہیں۔ فلم ”ٹوٹل سیاپا“ میں اداکاری کی اور گانے بھی گائے۔ فلم ”کِل دل“ تقریباً مکمل ہے۔ اس فلم کے گانے بھی گائے ہیں۔