لاہور (نامہ نگار) ٹریفک پولیس لائن میں لیڈی ٹریفک وارڈن کے یونیفارم میں ملبوس ہو کر اپنے دوست وارڈن کو ملنے کے لئے آنے والی جعلی لیڈی وارڈن پکڑی گئی۔ معاملہ علم میں آنے پر سی ٹی او سہیل چوہدری نے ٹریفک وارڈن عمران کو معطل کردیا جبکہ لڑکی کو پولیس کے حوالے کردیا گیا۔ تفصیلات کے مطابق چوہنگ ٹریفک پولیس لائن میں گذشتہ روز لیڈی ٹریفک وارڈن کے یونیفارم میں ملبوس نسرین نامی لڑکی اپنے دوست ٹریفک وارڈن عمران کو ملنے آئی تو دوران شناخت شک گزرنے پر جب اس سے پوچھ گچھ کی گئی تو پتہ چلا کہ وہ جعلی لیڈی ٹریفک وارڈن ہے اور اسے یہ وردی بھی ٹریفک وارڈن عمران نے ہی لے کر دی جسے وہ کا فی عرصہ سے استعمال کر رہی ہے اور خود کو لیڈی ٹریفک وارڈن  ظاہر کر کے اکثر اپنے دوست ٹریفک وارڈن عمران کو ملنے ٹریفک پولیس لائن میںآتی رہی۔