ٹرالر کی رکشہ کو ٹکر تین سالہ بچی جاں بحق‘ دیگر حادثات میں اٹھائیس افراد شدید زخمی

لاہور + فیروزوالا (نامہ نگاران)ٹریفک حادثات میں تین سالہ بچی جاں بحق 28افراد زخمی ہوگئے۔ شادباغ کے علاقہ میں رنگ روڈ پر طارق اپنی بیوی شگفتہ اور تین بچوں کے ہمراہ رکشہ پر رنگ روڈ پر جارہا تھا کہ تیز رفتار ٹرالر نے ان کے رکشے کو ٹکر مار دی، جس سے تین سالہ بچی ایمان نےچے گر کرموقع پر ہی ہلاک جبکہ اس کی ماں شدےد زخمی ہوگئی۔ رکشے میں موجود دیگر افراد معجزانہ طور پر محفوظ رہے۔ حادثے کے بعد ٹرالر کا ڈرائیور فرار ہوگیاہے۔ لاہور روڈ پر انٹرچینج موٹر وے کوٹ عبدالمالک کے قریب ویگن اور کیری ڈبہ کے درمیان تصادم میں پندرہ افراد زخمی ہو گئے انہیں طبی امداد کے لیے ہسپتال داخل کرا دیا۔ یعض زخمیوں کے بازو ٹانگیں ٹوٹ گیں۔ جی ٹی روڈ کی آبادی منوں آباد کے قریب تیز رفتار ٹرک بے قابو ہو کر موٹر سائیکل رکشہ سے ٹکرا گیا جس کے نتیہ میں رکشہ سوار ایک فیملی عورتوں سمیت سات افراد زخمی ہو گئے جن میں محمودہ بی بی، فیضان بی بی، آمنہ بی بی کے علاوہ دیگر افراد شامل ہیں جن کو طبی امداد کے لئے ہپستال داخل کرا دیا۔ مرید کے ہسپتال کے قریب تیز رفتارسرکاری گاڑی نے راہگیر سرفراز احمد کو روند ڈالا جو شدید زخمی ہو گیا۔