اسلام آباد (صباح نیوز) سہالہ میں ڈاکوئوں نے مبینہ طور پرسڑک بند کرکے لوٹ مار کی ہے ۔ ڈاکوئوں کی فائرنگ سے ایک شخص جاں بحق ہوگیا۔ واقعہ چکیاں سٹاپ محفوظ شہید روڈ پرپیش آیا۔ اہل علاقہ کے مطابق مقتول منڈی مویشیاں جارہا تھا کہ ڈاکوئوں کی فائرنگ سے جاں بحق ہوگیا۔ مقامی لوگوں نے کہوٹہ مین روڈ پر نعش رکھ کر احتجاج کیا اور ٹریفک بند کردی۔ پولیس دو گھنٹے کی تاخیر سے پہنچی اور سڑک کھلوانے کے لیے مظاہرین سے مذاکرات کیے۔