بارسلوناا وپن ٹینس ٹورنا منٹ اعصام الحق کی جوڑی کو فائنل میں شکست

لاہور (سپورٹس رپورٹر) پاکستان کے اعصام الحق کی جوڑی کو بارسلونا اوپن ٹینس ٹورنا منٹ کے ڈبلز ایونٹ کے فائنل میں شکست ہو گئی ۔ اعصام الحق قریشی اور جین جولین راجر کی جوڑی کو ایف لوپیز اور ایم لوپیز کی جوڑی نے سٹریٹ سیٹس میں سات پانچ اور چھ چار سے شکست دی ۔ سنگلز کا ٹائٹل سپین کے عالمی نمبر ایک رافیل نڈال نے جیت لیا ۔ انہوںنے فائنل میں یونان کے سٹیفنس ٹسائی ٹسائی پس کو چھ ایک اور چھ دو سے شکست دی ۔ چیک کی کیرولینا پلسکووانے سٹٹ گارٹ ٹینس ٹورنا منٹ جیت لیا ۔ پلسکووا نے فائنل میں امریکہ کی کوکو وینڈر ویغ کو سات چھ اور چھ چار سے شکست دی ۔ امریکی سٹار نے فائنل تک پہنچنے کیلئے بڑی کھلاڑیوں کو شکست دی تھی مگر ٹائٹل جیتنے میں ناکام رہیں ۔ شکست پر افسردہ ہوگئیں اور رونا شروع کر دیا ۔