کراچی (نوائے وقت نیوز) ترجمان پاک بحریہ نے بھارتی ماہی گیروں کی کشتی میںفنی خرابی دور کر دی جس پر ماہی گیروں نے پاکستان زندہ باد کے نعرے لگائے۔ کشتی میں سوار 12 افراد بھوک پیاس سے نڈھال مد کے طلبگار تھے۔ پاک بحریہ کے جہاز عالمگیر نے انسانی ہمدردی کے تحت بھارتی ماہی گیروں کی مدد کی۔ پاک بحریہ کے ترجمان کے مطابق پی این ایس عالمگیر کی ٹیکنیکل ٹیم نے بھارتی کشتی کے انجن کی فنی خرابی کو دور کیا جبکہ ماہی گیروں کو اشائے خورد و نوش کے ساتھ طبی امداد بھی فراہم کی جس پر بھارتی ماہی گیروں نے اظہار تشکر کے طور پر کھلے سمندر میں پاکستان زندہ باد کے نعرے لگائے۔ ترجمان کا کہنا تھا پاک بحریہ انسانی مدد کے آپریشنز کی انجام دہی میں بھی پیش پیش رہتی ہے اور یہ آپریشن اس بات کا بھی غماز ہے کہ پاکستان علاقائی امن کا خواہاں ہے۔
پاک بحریہ