پاکستان سٹار گھوڑے نے کوئین ایلزبتھ ٹو کپ جیت لیا

ہانگ کانگ (سپورٹس ڈیسک )پاکستان سٹار نے ہانگ کانگ میں کوئین ایلزبتھ ٹو کپ جیت لیا ۔ پاکستانی گھوڑے پر جوکی ولیم بوئیک نے سواری کی ۔ ٹورنا منٹ کی انعامی رقم 7.4ملین ڈالر رکھی گئی تھی ۔پانچ سالہ پاکستانی سٹار نے فائنل میں مقررہ فاصلہ 2ہزار میٹر صرف دومنٹ میں طے کیا ۔ جوکی بوئیک نے مقابلے کے بعد کہا کہ یہ بڑا مشہور گھوڑا ہے ‘میں اس کے بارے میں بخوبی آگاہ تھاکہ یہ فتح دلائے گا۔ میں مقابلے سے قبل اس کے بارے میں تمام معلومات حاصل کر لی تھیں جس کے بعد فیصلہ کیا تھا کہ یہ مقابلے میں کارآمد ثابت ہو گا۔گھوڑے کے بارے میں میری مثبت رائے تھی جس کی بدولت کامیاب رہا ۔