بھارت، گائے کے پیشاب سے بنے پٹاخے دیوالی پر خوشبو بکھیریں گے‘ بھارتی سائنسدان کا دعویٰ

ممبئی (آئی این پی) اب تک آپ نے بارود سے بنے پٹاخوں یا پھر گرین پٹاخوں کے بارے میں ہی سنا ہوگا، لیکن اب بھارتی سائنس دان نے چونکانے والا دعوی کیا ہے۔سائنس دان کا دعوی ہے کہ اب گائو موتر(گائے کا پیشاب)سے بنے پٹاخے بازار میں ملیں گے۔ یہ پٹاخے گرین پٹاخوں کے مقابلے 50 فیصد سستے ہوں گے، ساتھ ہی بالکل آلودگی نہیں کریں گے۔ سائنس دان کے مطابق ان کو چلانے پر خوشبو آئے گی۔