لاہور( سپورٹس رپورٹر) فسٹ جونیئر ایج گروپ ماڈرن پینٹاتھلون چیمپئن شپ، پینٹاتھلون میں زکریا دائود اور صوفیہ دینا نے میدان مار لیا۔ ایک روزہ فسٹ جونیئر ایج گروپ ماڈرن پینٹاتھلون چیمپئن شپ نشتر پارک سپورٹس کمپلیکس میں منعقد ہوئی، چیمپئن شپ کی مہمان خصوصی مہمان خصوصی صوبائی وزیر وومن ڈویلپمنٹ آشفہ ریاض فتیانہ تھیں،اس موقع پر نائب صدور پاکستان ماڈرن پینٹاتھلون فیڈریشن میاں صفدر حسین، ظفر یاب خان، سیکرٹری چودھری ظہور احمد ، چیئرمین ڈویلپمنٹ کمیٹی جاوید چوہان اور اوکسانہ لیمین انچارج وومن ونگ بھی موجود تھے ، چمپیئن شپ میں ہارس رائیڈنگ، فینسنگ، سوئمنگ، شوٹنگ،رننگ کے مقابلے ہوئے، پینٹاتھلوں میل انڈر 11 کیٹیگری میں زکریا دائود خان اور (فی میل) انڈر13کیٹیگری میں صوفیہ دینا علی خان نے میدان مار لیا،نتائج کے مطابق پینٹاتھلون ایونٹ (میل) انڈر11 کیٹیگری میں زکریا دائود خان نے 1012پوائنٹس لیکر پہلی، ٹرائیتھل ایونٹ (میل) انڈر 11 کیٹیگری میں میکائیل احسان نے 825 پوائنٹس لیکر پہلی جبکہ محمد حسنین 580 پوائنٹس کے ساتھ دوسرے نمبر پر رہے، بائیتھل ایونٹ (میل) انڈر 11 کیٹیگری میں اسجد علی 783 پوائنٹس کیساتھ پہلے اور عذیر زمان 565 پوائنٹس کیساتھ دوسرے نمبر پر رہے، ٹرائیتھل ایونٹ (میل) میںانڈر13 کیٹیگری میںمیکائیکل چودھری اور مصطفی زبیر بالترتیب 769اور707پوائنٹس لیکر پہلے اور دوسرے نمبر پررہے، ٹرائیتھل(میل) انڈر15 کیٹیگری میںدانیال نبی نے 805پوائنٹس لیکر پہلی جبکہ نذیر دینا علی خان نے 590پوائنٹس لیکر دوسری پوزیشن حاصل کی، بائیتھل ایونٹ (میل)انڈر15 کیٹیگری میں یحیی قیوم نے 861پوائنٹس لیکر پہلی پوزیشن حاصل کی