کاروان قلم اٹک کے زیر اہتمام پنجابی کیمبلپوری لہجہ میں محفل مشاعرہ  

 سنجوال کینٹ(نامہ نگار)کاروان قلم اٹک کے زیر اہتمام پنجابی ’’ کیمبلپوری لہجہ ‘‘ میں محفل مشاعرہ کا انعقاد کیا گیا جس کی صدارت معروف شاعر و ادیب احسان الٰہی احسن نے کی جبکہ نظامت کے فرائض کاروان قلم کے ایڈمن نزاکت علی نازک نے ادا کیے مشاعرے میں مہمان خصوصی اٹک کے شاعر و نعت خوان سید جواد حیدر تھے جبکہ مہمان اعزاز کاروان قلم کے سیکرٹری نشر و اشاعت سید حبدار قائم تھے مشاعرے کی عکس بندی نعلین حیدر سلطان نے کی جس میں نزاکت علی نازک ، سید حبدار قائم ، سید جواد حیدر اور احسان الہٰی احسن نے اپنا کلام سنایا شعرا کے کلام سے ایک ایک شعر سنایا۔ کرونا ایس او پیز کو مدنظر رکھتے ہوئے مشاعرے میں صرف چار شعرا کو دعوت دی گئی جسے سوشل میڈیا پر لائیو دکھایا گیا سابقہ مشاعروں کی سوشل میڈیا پر پذیرائی کا ذکر بھی کیا گیا جسے عوام میں بہت پسندیدگی کی نظر سے دیکھا جا رہا ہے ۔