لارڈز گرائونڈ، شاہین شاہ آفریدی کے مداحوں کی بڑی تعداد امڈ آئی

ملتان (سپورٹس ڈیسک )پاکستانی لیفٹ آرم فاسٹ بائولر شاہین شاہ آفریدی نے لارڈز کرکٹ گراونڈ کے باہر مداحوں کی بڑی تعداد کو آٹوگرافز دیئے۔شاہین شاہ آفریدی نے کائونٹی چیمپئن شپ کے دوران مداحوں سے ملاقات کی اور لارڈز کرکٹ گرائونڈ کے باہر مداحوں کو آٹوگراف دیئے، شاہین شاہ آفریدی رواں کانٹی چیمپئن شپ میں مڈل سکس کی نمائندگی کر رہے ہیں۔شاہین شاہ آفریدی کا کہنا ہے کہ لارڈز کرکٹ گراونڈ میں کھیلنا ہر کھلاڑی کا خواب ہوتا ہے، ملک کے لیے لارڈز کرکٹ گراونڈ میں کھیلنے کے جذبات ناقابل بیان ہوتے ہیں۔انہوں نے اپنے ایک بیان میں کہا ہے کہ ورلڈکپ 2019 میں ملک کی نمائندگی بنگلا دیش کے خلاف کرچکا ہوں۔