لاہور(سپورٹس رپورٹر)دورہ یورپ میں پاکستان ہاکی ٹیم کو بیلجیم نے 1 کے مقابلے میں 5 گول سے ہرادیا، قومی ٹیم اتوار کو سپین روانہ ہوگی۔بیلجیم میں کھیلے گئے میچ میں ہوم ٹیم نے پہلے کوارٹر میں برتری حاصل کی اور دوسرے کوارٹر میں دوسرا گول بھی داغ دیا۔پاکستان ٹیم نے بھی حریف گول پر حملے کیے اور اسے کئی مواقع ملے، لیکن ضائع ہو گئے۔پاکستان کی جانب سے پہلا گول تیسرے کوارٹر میں رضوان نے سکور کیا لیکن بیلجیئم نے مزید 3 گول کرکے میچ 1 کے مقابلے میں 5 گول سے جیت لیا۔پاکستان ہاکی ٹیم یکم مئی کو سپین جائے گی، جہاں سپینش ٹیم سے 2 میچوں کی سیریز کھیلے گی۔