کائونٹی میں واپسی پر پرجوش ہوں : محمد عامر

لاہور(سپورٹس رپورٹر)قومی کرکٹ ٹیم کے فاسٹ بولر محمد عامر کی کاؤنٹی چیمپئن شپ میں تین سال بعد واپسی ہوئی ‘انہوں نے کہا کہ کاؤنٹی کرکٹ میں واپسی پر  پْرجوش ہوں، کاؤنٹی کرکٹ سے ہمیشہ محظوظ ہوا ہوں اور میچز کیلئے پر اعتماد ہوں۔ تین سال بعد فرسٹ کلاس کرکٹ کھیل رہا ہوں، کاؤنٹی کا دنیائے کرکٹ میں اہم کردار ہے، جب  گلوسٹر شائر نے پیشکش کی تو  ہاں کہے بغیر رہا نہ گیا۔عامر نے کہا کہ کاؤنٹی چیمپئن شپ میں اپنا تجربہ نوجوان کھلاڑیوں سے شئیر کروں گا، تینوں میچوں میں اپنا 100 فیصد دوں گا۔