عمران نیازی ٹولے کی نیندیں حرام،شہباز سپیڈ سے پریشان،جمہوری عمل کو سبوتاژکرنے کے درپے : رانا عبدالرحمٰن خاں

خانیوال( خبر نگار)مسلم لیگ (ن )کے رہنما سابق چیئرمین بلدیہ رانا عبدالرحمٰن خاں یونین کونسل کوہی والا چیئرمین کے امیدوار رانا فرمان محمود خاں نے کہا کہ وزیراعظم میاں شہباز شریف کا دورہ سعودی عرب انتہائی اہمیت کا حامل ہے پاکستان اور سعودی عرب کے مابین تعلقات مزید مضبوط ہونگے اور ملک و قوم کو درپیش مسائل حل کرنے میں مدد ملے گی انہوں نے کہا کہ میاں شہباز شریف کی کارکردگی نے عمران نیازی ٹولے کی نیندیں حرام کر دی ہیں اور شہباز سپیڈ سے پریشان ہوکرجمہوری عمل کو سبوتاژکرنے کے لیے  منفی پروپیگنڈا اور ہتھکنڈے شروع کر رکھے ہیں مسجد نبوی میں جس طرح تقدس پامال کیا گیا ہے وہ انتہائی شرمناک اور افسوسناک ہے انہوں نے کہا کہ مسجد نبوی کا تقدس پامال کرنے والے اللہ کی پکڑ سے نہیں بچ سکیں گے وہ یہاں صحافیوں سے بات چیت کر رہے تھے ۔