لاہور ( خصوصی نامہ نگار )صدر نیشنل لبیر فیڈریشن پاکستان شمس الرحمن سواتی اور نائب صدر نیشنل لبیر فیڈریشن و چیئرمین ریلوے پریم یونین پاکستان اور امیر جماعت اسلامی لاہور ضیاء الدین انصاری ایڈوکیٹ نے کہا کہ مزدور ملکی معیشت میں ریڑھ کی ہڈی کی حیثیت رکھتا ہے۔ پاکستان میں 8 کروڑ مزدور کسمپرسی کی زندگی گزارنے پر مجبور ہیں۔حکمران اور سرکاری و نجی اداروں کے سربراہان مزدوروں کے ساتھ سوتیلی ماں جیساسلوک کررہے ہیں۔ ملکی تاریخ میں آج سب سے زیادہ مزدور طبقہ دو وقت روٹی کیلئے ترس رہا ہے۔