اسحاق ڈار کو نائب وزیر اعظم مقرر ہونے پر مبارکباد،نوٹیفکیشن خوش آئند ہے:احسن ڈار

گوجرانوالہ (نمائندہ خصوصی ) مسلم لیگ (ن) برطانیہ کے رہنما احسن ڈار نے وزیر خارجہ اسحاق ڈار کو نائب وزیراعظم مقررہونے پر مبارکباد دیتے ہوئے کہا ہے کہ مسلم لیگ (ن ) میں اسحاق ڈار کا اہم رہنمائوں میں شمار ہوتا ہے ،انہوں نے ہمیشہ پاکستان اور عوام کو مشکل حالات سے باہر نکالا ہے ۔نگران حکومت میں بھی اسحاق ڈار نے بطور وزیر خزانہ پاکستان کو ڈیفالٹ ہونے سے بچایا تھا اسی وجہ سے وہ ہمیشہ عوام کے مسیحا ثابت ہوئے ہیں ، وزیر اعظم میاں محمد شہباز شریف کی جانب سے اسحاق ڈار کو نائب وزیر اعظم مقرر کرنے کی منظوری اورنوٹیفکیشن جاری کرنا خوش آئند ہے۔احسن ڈار کا مزید کہا ہے کہ اسحاق ڈار کی زندگی کا مقصد ہی پاکستانی عوام کی بے لوث خدمت کرنا ہے اسی وجہ سے اسحاق ڈار کے نائب وزیر اعظم مقرر ہونے پر عوام خوشی سے جشن منا رہے ہیں ، آئندہ بھی وہ اپنا مشن جاری اور عوامی خدمت میں کوئی کسر نہیں اٹھا رکھیں گے ۔