حکومتیں عوام کو ریلیف فراہم کریں،طاہرصادق

  اٹک(نامہ نگار )مرکزی رہنما تحریک انصاف، سابق رکن قومی اسمبلی میجر طاہرصادق نے کہاہے کہ حکومتیں عوام کو ریلیف فراہم کریں معاشرے میں معاشی عدم استحکام ،تمام کار وباری سر گرمیاں ماند پڑھنے کے سبب کار وباری طبقہ خصوصا غریب او ر دیہاڑی دار بری طرح متاثر ہورہے ہیں ان خیالا ت کا اظہار انہوںنے فتح جنگ ،جھنگ ،کسراں، کمڑیال ،پتھر گڑھ میں غمی ،خوشی ،سیاسی وسماجی تقر یبا ت سے خطاب کرتے ہوئے کیا ،ان مقامات پر رکن پنجاب اسمبلی تحریک انصاف سر دار محمدعلی خان ،نصر ت خان ماجھیا،سر دار زاہد آف اکھوڑ ی،وقا رلیا قت خان،قاضی عمران رفیق آف نیکا،حسن فردو س،ملک شوکت ،ملک ذوہیر اور دیگر شخصیات موجود تھیں،میجر طاہرصادق نے کہاکہ گندم کی شاندار فصل آنے سے قبل بیرون ملک سے ہزاروں ٹن گندم خریدنے کی شفاف تحقیقات کی جائیں۔