لاس اینجلس میں ہونے والی تقریب کےہال کو بہت خوبصورتی سے سجایا گیا تھا۔ ہال شوبزکی شخصیات سے کھچا کھچ بھرا ہوا تھا۔تقریب کی میزبانی اداکار اور کامیڈین جیمی فالن  نے کی جنھوں نے اپنے چٹکلوں اور پھبتیوں سے تقریب کو کشت زعفران بنا دیا۔ اس موقع پر میوزک پرفارمنس بھی دی گئی۔  زیادہ ایوارڈ کامیڈی ڈرامہ ماڈرن فیملی ،میڈ مین، گِلی اور دی کلوزر نے حاصل کیے۔ روشنیوں میں جگمگاتی یہ تقریب تین گھنٹے تک جاری رہی ۔ایمے ایوارڈ ٹیلی ویژن کےبہترین فنکاروں کےلیےمخصوص ہوتے ہیں اور ٹی وی کے مختلف پروگراموں میں بہترین فنکارانہ صلاحیتوں کا مظاہرہ کرنےوالوں کو پیش کیے جاتے ہیں ۔